Sakliste til årsmøtet i SKK 15.01.2009
Lagt inn 08.01.2009 av marius - lest 480 ganger

Gode SKK-medlemar!

Legg ut saklista til årsmøtet som blir om ei veke. Saklista er og sendt på epost til alle medlemar vi har epost til. Ein liten feil hadde sneke seg inn under sak 9 og den er nå retta, sjå saklista under.

Innkalling og sakliste til årsmøte i Sunnfjord Kajakklubb 2009
Tid: Torsdag 15.01.2009 kl. 19.00
Stad: Kantina til Berge & Co (VW-/ Audi-/Skoda-forretningen). Inngangen er på vestsida av bygget, dvs sida mot Førde sentrum, midt på bygget.

Det blir vanlege årsmøtesaker og sjølvsagt kaffi og noko å bite i.
Valnemnda stiller med forslag til nye kandidatar til styret. For ordens skuld nemnast det at det etter vanleg møteskikk også er høve til benkeforslag på kandidatar.

SAKER TIL ÅRSMØTET
1. Val av ordstyrar og skrivar

2. Godkjenning av innkalling og saklista

3. Gjennomgang og godkjenning av årsmeldinga

4. Gjennomgang og godkjenning av rekneskapen for 2008

5. Budsjett for 2009
Kommer som eiga sending på epost

6. Fastsette medlemskontingenten.
Styret foreslår å halde på den noverande kontingenten, dvs kr.250,- for året.

7. Flytting av tidspunkt for årsmøtet.
I fjor vedtok årsmøtet eigentleg å flytte årsmøtet til november. Når det gjeld bakgrunn vil vi vise til saka frå i fjor: ”Innan 31. januar skal klubbar i Norges Idrettsforbund sende inn informasjon om medlemstal mm, om kven som er leiar for klubben og kven som har andre leiarfunksjonar. Når vi har hatt praksis med å ha årsmøtet i februar, har forbundet fått feil informasjon om kven som sit i styrefunksjonar og dette må då gjerast om etter årsmøtet.
Det vil vere tidsnok å ta møtet i januar, men det kan fort bli vanskeleg å få det til med litt avstand til jul/nyttår og tidleg nok før tidsfristen 31. januar....”
I ettertid fann styret ut at det ble problematisk å halde årsmøtet såpass lenge før årsoppgjør og rekneskap var ferdig. Vi valde difor å halde årsmøtet i januar, i tråd med intensjonen i forslaget.

Forslag til vedtak:
”Formuleringa i vedtektene, § 9 - Årsmøte: ” Laget sitt høgste styringsorgan er årsmøtet, som skal haldast kvart år i november månad.”, endrast til: ”Laget sitt høgste styringsorgan er årsmøtet, som skal haldast kvart år før 20. januar.”

8. Endring av målsettinga
Sjå målsettinga vår på heimesida. Vi meiner at vi bør få inn eit punkt som og gjeld sporlaus og naturvenleg ferdsel.
Forslag til vedtak: ”-Ta omsyn til natur og naturmangfald og fremje sporlaus ferd”

9. Gratis bruk av klubbkajakkane for styremedlem.
Styret legg ned eit vesentleg arbeid for klubben og det er rimeleg at dei har høve til å bruke kajakkane utan å betale for det. Det er og ynskjeleg at styremedlemane kjenner klubbkajakkane.
Forslag til vedtak: "Styremedlemmane og varamedlem får og nytte/låne ein av klubben sine kajakkar gratis. Dette så lenge det er kajakkar ledige og det ikkje kjem i konflikt med klubbaktivitetar.”

10. Val av nytt styre, revisorar og valnemnd.

11. Eventuelt

Vel møtt skal du vere på årsmøtet

Med venleg helsing
For styret i Sunnfjord Kajakklubb
Marius Dalin
-leiar-